Amasyalıdır. Kutbu’l-aktâb Gümüşlüzâde eş-Şeyh Muhyiddîn Mehmed Çelebi mahdûmudur. Ulemâdan ve hâssaten Bahşî Halife’den ikmâl-i tahsîl ederek ders-i âm ve müderris oldu. Ba’dehû ceddi Hazreti Pir İlyas vakfı mütevellîsi olup Şehzâde Sultân Mustafa kurenâsından oldu.
960 senesi şevvâlinde şehzâde-i müşârün-ileyhin şehâdeti üzerine Kayseriyye kâdısı olup Amasya’dan kaldırıldı. Orada beş yıldan ziyâde kâdı olup 966’da ma’zûlen orada mukîm olduğu Bedreddîn Mahmûd bin Süleyman’ın vakfiyesinden anlaşıldı.
967’de ilm ve sinnine hürmeten affıyla Amasya’ya gelip Mehmed Paşa Medresesi müderrisliğiyle tekâ’üd edildi. 978 sâline doğru vefât etdi. Âlim, kâmil, müeddeb, nâfizü’l-kelîm, vakûr bir zât idi. Mahdûmları Abdullah, Mustafa Çelebiler’dir. Bunlar da kibâr-ı kudâtdan idiler. [412]