Merzifonludur. Oranın eşrâfından el-Hâc Süleyman Ağa’nın [487] oğludur. Erbâb-ı servet ü yesârdan olup Rus muhârebelerinde mâlî ve bedenî fedâkârlıklarla isbât-ı hamiyyet eylediğinden Merzifon a’yânı ve ba’dehû mütesellimi olarak iştihâr etdi.
Ba’dehû Çelebi Sultân Mehmed evkâfı mütevellîsi olup sonra yine mütesellim oldu. 1207’de Arasta câmi-i şerîfini i’mâr ve dersi-âm ta’yîn ederek nukûd-ı vâfîre vakf edib çok geçmeden vefât etdi. Müdebbir, sâhib-i hayr, hânedân bir zât idi.