Köprülüdür. Rahtuvân İsmâ’îl Ağa’nın mahdûmudur. Genç iken enderûn-ı hümâyûna girip hüsn-i terbiye gördü. Orada tefeyyüz ederek 1223’de Sultân Mahmûd-ı Sânî’nin cülûsu vak’asında hizmet ü sadâkati görüldüğünden Kullukcubaşı oldu.
1226’da ser-tüfeng-i şehriyârî olup Sultân Mahmûd’un teveccühâtını kazanmışdı. 1231’de hastalığından dolayı tekâ’üde sevk edilip 1234 senesi hudûdunda vefât etdi. Mahdûmu müderrisînden İsmâ’îl Efendi de [504] 1247’de vefât etdi.