Amasyalıdır. Amasya’da câmii ve medresesi olan Torumtay Gâzi ahfâdından Torumtay türbesinde medfûn olan el-Hâc Ebûbekir Çelebi bin Emîr Sirâceddîn Mehmed Bey bin Süleyman Bey bin Ya’kûb Şâh Rûmî mahdûmudur.
Çelebi Sultân Mehmed devrinde züamâdan ve Sultân Murâd-ı Sânî zamânında ümerâdan olup bir müddet Tokat sancâğıbeyi oldu. Ba’dehû Amasya vâlîsi Şehzâde Sultân Alâaddîn Bey’in ma’iyyetinde me’mûr [356] oldu. 846’da Şehzâde-i müşârün-ileyhin mahnûkan irtihâlinde menkûb olup sonra vefât etdi.