Amasyalıdır. Hekîm-i meşhûr Sabûnîzâde Hacı İlyâs Çelebi bin Şa’bân’ın mahdûmudur. Pederinden ilm-i tıbbı ve sâ’ir ulemâdan ulûm-ı şer’iyye ve edebiyyeyi tahsîl edib Amasya’da Dârü’ş-Şifâ tabîbi oldu.
Amasya’ya vâlî olarak gelen Şehzâde Sultân Ahmed ve Mehmed ve Alâaddîn Beyler’in hizmet-i tabâbetinde bulundu. Kendisine mürâca’at eden hastegânı tedâvî etmekle ibrâz-ı mahâret ederek fevka’l-âde iştihâr etdi.
849’da vefât ve mücerrebât-ı tıbbıyyeye a’id iki eser-i tıbbı te’lîf ederek nâmını Türkiye tabâbeti âleminde ibkâ edib [357] 851’de vefât etdi. Âlim, müteşerri’, tabîb-i hâzık, fünûn-ı edebiyye ve tıbbıyyede mâhir bir zât idi. Mahdûmu Hamza Çelebi de etibbâdandır. Yazdığı “El-kâfî Şerhü’l-Bezdevî” kitâbı zahrına “Hamza bin Mevlânâ Hasan bin Mevlânâ Hacı İlyâs es-Sâbûnî” imzâsını koymuştur.