Amasyalıdır. Sadr-ı esbak Yahşi Beyzâde Bâyezîd Paşa’nın kerîmesi olup Amasya Emîr-i Kebîri İkinci Şâdgeldi Bey bin Devâtdâr Ahmed Paşa’nın zevcesidir. 805’de Çelebi Sultân Mehmed Hân’ın Bolu’dan Amasya’ya geldiği esnâda zevci emâretden çekildi.

816’da Çelebi Sultân Mehmed’in müstakillen Osmanlı Pâdişâhı olduğu esnâda zevci İznik’de ikâmete me’mûr olduğundan beraber oraya gitdi. Pederinin esnâ-yı sadâretinde 825’de kendisine temlîk edilen Suluz mâlikânesinin nısfını vakf edib evlâdına tahsîs ve ba’dehû vefât etdi. Mahdûmu Mehmed Çelebi’dir.