Amasyalıdır. A’yândan el-Hâc Yûsuf Ağa’nın oğludur. Türedizâde Vezîr Hüseyin Paşa’nın ağalarından olup onun irtihâlinde Amasya’ya geldi. Sonra kethüdâ-yı sadr-ı âlî iken Amasyalı es-Seyyid Hâfız İbrâhim Paşa’ya ve ba’dehû birâderi es-Seyyid Mustafa Paşa’ya intisâb etdi.
Bunların sâye-i ikbâlinde ba’zı hidemât-ı mühimmede istihdam edilerek dergâh-ı âlî kapıcı-başılarından oldu. 1207’de bir hizmetle Hicâz’a gönderilib Medine-i Münevvereye yakın bir yerde vefât etdi. Erbâb-ı cerbezeden idi. Bakkallar içinde bir bâb dükkânını vakf edib icâresiyle Eslem [136] Mahallesi Mescidi ittisâlinde yaptırdığı sebile yaz günlerinde kar vaz’ etdi. Mahdûmu el-Hâc Sâdık Mehmed Ağa’dır. Bunun oğulları Abdullah, Hüseyin Ağalar 1256’da ber-hâyat olup sonra vefât etmişlerdir. Diğer mahdûmu Hâfız Ali Paşa’dır.