Amasyalıdır. Amasya müftüsü Zanalı es-Seyyid el-Hâc Ahmed Efendizâde [122] es-Seyyid Şerîf Mehmed Efendi’nin mahdûmudur. Vüzerâdan Amasyalı Hacı Kadîrzâde Köse Ali Paşa’nın dâiresine intisâb edib İstanbul’da terbiye gördü.
1154 senesi muharreminde müşârün-ileyhin vezâretle Diyârbekir vâlîsi olduğunda selâm ağası olup beraber gitdi. 1155 senesi şevvâlinde Sivas’a gelip Sivaslıların paşadan şikâyetlerine azl ve müsâderesinde Amasya’ya geldi.
1159 senesi cumâdelâhiresinde nakîbü’l-eşrâf kâ’im-makâmı olup 1160 senesi rebîülevvelinde isti’fâ ederek yine İstanbul’a gitdi. 1161’de nişâncı olan Ragıb Mehmed Paşa dâiresine intisâb edib ağalarından oldu.
1170 senesi rebîülâhirinde sadrâzam olan Paşa ile beraber Haleb’den İstanbul’a gelip müşârün-ileyhin sâye-i ikbâlinde sipâhiler kethüdâsı, 1174’de sipâhiler ağası oldu. 1176’da Ragıb Mehmed Paşa’nın irtihâline binâen kapıcı-başılıkla ba’zı vilâyete umûr-ı mühimme için gönderildi. 1181 hudûdunda vefât etdi.