Köprülüdür. Oranın a’yânından el-Hâc Mehmed Ağa bin Carullah Ağa’nın oğludur. Pederinin vefâtında erbâb-ı yesârdan olmakla teayyün edib 1156’da Köprü a’yânı oldu.
1157’de Köprü müftüsü el-Hâc Mustafa Efendi ile araları uygun olduğundan sene-i mezbûrenin şa’bânında Köprü kâdısı el-Hâc Sâlih Efendiyi ba’zı eşirra mahkemede basıb şehîd etdiklerinden dolayı her ikisi de maznûnen [121] Amasya’da bir müddet habs ve tevkîf edildi.
Ba’de’t-tahkîkât bunların marifetleri ve ta’lîmâtlarıyla kâdının öldürüldüğüne dâir edille-i sübûtiye görülemediğinden her ikisi itlâk edildi. 1167’de sânîyen Köprü a’yanı olduysa da tecâvüzâtından dolayı 1168’de ma’zûl ve menkûb 1179’da vefât etdi. Oğulları Ali, Hasan Ağalardır.