Köprülüdür. 1141’de vefât eden Dedezâde el-Hâc Ahmed Ağa’nın mahdûmudur. Köprülüzâde Hâfız Ahmed Paşa dâiresinde tahsîl-i irfân ederek Bâb-ı âlide kethüda kalemine çerağ edildi. Orada tefeyyüz edib kalem-i mezkûrun ser-halîfesi iken paşa-yı müşârün-ileyhin kâtib-i divânı oldu.
Bâ’dehû efendisinin arz ve ricâsıyla hâcegân-ı Divân-ı Hümâyûn zümresine iltihâk edib Paşa 1183’de Mısır vâlîsi iken irtihâlinde Köprü’ye avdet ve dört yıl kadar Köprü a’yânı olarak iştihâr edib 1187’de dâr-ı bekâya rihlet etdi. Servet ü sâmânıyla, nüfûz ve itibârıyla meşhûr idi.