Amasyalıdır. Mustafa’nın mahdûmudur. Amasya fuzalâsından Molla Şücaeddîn İlyas Efendi’den ikmâl-i tahsîl edib ders-i âm ve Kuba’da medrese-i Hûsâmiye müderrisi oldu. Ba’dehû Halvetiyeden münîb olup Âhi Darbhâneci Tekkesi şeyhi ve Çeribaşı Câmii vâizi oldu. 999’da vefât etdiği seng-i mezârında mahkûktur. Meşâhîr-i ulemâ ve meşâyîhden sâlih, müttakî bir zât idi. Çeribaşı Câmii civârında validem Zahide Hâtun’un medfûne olduğu bağçe kenarında medfûndur.