Köprülüdür. Köprü’de Ahmed Baba Tekkesi şeyhi el-Hâc Ahmed Efendi bin Osmân Efendi bin Hüseyin Efendi bin eş-Şeyh Ahmed Baba Efendi’nin oğludur. Tahsîl-i ilm ü irfân [178] edib 1143’de pederinin vefâtı üzerine birâderi es-Seyyid el-Hâc Hüseyin ve amcası Süleyman Efendilerle müştereken Benî Alanı Mâlikânesi’ne mutasarrıf ve Ahmed Baba Tekkesi’ne müstakillen şeyh oldu.
Ba’dehû Köprü’de teşekkül eden hâciyân ve a’yân meclislerine a’zâ ve birkaç def’a şehir kethüdâsı ve 1162’de baş-a’yân olduğu hâlde 1166’da vefât etdi. Kibâr-ı a’yândan hânedân ve mumtezic bir şeyh ve zâviyedâr idi. Oğulları es-Seyyid el-Hâc Süleyman, Hasan Ağalar da Köprü eşrâfından idiler.