Çorumlu Mehmed oğludur. Amasya müftüsü Çorumlu Hâfız es-Seyyid Mehmed Efendi’nin halka-i tedrîsinde ikmâl-i tahsîl ederek tilmîz-i hâssı ve dâmâdı oldu.
Yıllarca ders-i âm ve tedrîs ve neşr-i ulûmâ mülâzemet ederek sonunda Halfet Gâzi müderrisi olduğu hâlde 1150’de vefât etdi. Meşâhîr-i ulemâdan fakîh, usûlî, halûk bir zât idi. Mahdûmu şu’arâ ve ulemâdan es-Seyyid Bâkır Mehmed Efendi’dir.
Meşâhîr-i hutebâdan Hâfız Osmân Efendi 1115’de Fethiye Câmii hatîbi olduğu hâlde 1150 ramazânında vefât etdi. Ulemâdan idi. Mahdûmu Mehmed Efendi yerine hatîb olup 1201 şa’bânında fevt oldu.