Amasya sâdât-ı kirâmından es-Seyyid Hüseyin bin es-Seyyid Muhyiddîn Hüseyin bin es-Seyyid Sadreddîn Mehmed el-Hüseynî el-Horasânî mahdûmudur. 936 cumâdelâhiresinde Amasya’da doğdu. Cum’a ve Müfessir Ahmed Efendilerden tahsîl-i ulûm ederek ders-i âm, müderris ve nakîbü’l-eşrâf kâ’im-makâmı oldu. [142]
Ba’dehû Hüseyniye müderrisi olup ba’zı avârızından müderrislikden azline müte’essir olup 997 recebinde Bursa şehrine nakl-i ikâmet ve orada Sultâniyye müderrisi olduğu hâlde 1004’de vefât etdi. Ulemâ-yı sâdâttan bir zât-ı sütûde-simât idi. Oğulları es-Seyyid Velî, Mustafa Efendiler’dir. Es-Seyyid Velî Efendizâde es-Seyyid Mehmed Efendi’dir.