Amasyalı Alî oğludur. Amasya’da fâzıl-ı meşhûr Kürt Hâfız Alî Efendi’den tahsîl-i ulûm edib ders-i âm oldu. Hayli müddet ders okuttu. 1161’de Kal’a-i Bâlâ halkının da’vet ve ricâsı üzerine orada Bahâeddîn Tekkesi kurbunda Dizdâriye müderrisi ve mektebi mu’allimi olup tedrîs ü ta’lîme [621] meşrûta olan yurdunun mâlikânesi mutasarrıfı oldu.

On beş yıl orada Bey Câmiinde va’z ü tezkîr, tedrîs ü ta’lîm ile iştigâl edib Kal’a-i Bâlâ’nın yegâne âlimi, vâ’izi, müderris ve müftüsü, mu’allimi olduğu hâlde 1176 senesi rebiülâhirinin üçünde vefât etdi. Yerine mahdûmu Hâfız es-Seyyid Alî Efendi geçip 1211’de vefât etdi.