Köprülüdür. Orada mukîm eşrâftan ve Köprülü Mehmed Paşa’nın ahfâdından el-Hâc Mahmûd Bey bin Ammâr bin Abdullah Paşa bin Fâzıl Mustafa Paşa bin Köprülü Mehmed Paşa’nın mahdûmudur. Köprü’de doğdu.
Amcası mevâliden Abdulmecîd Bey’in himmetiyle İstanbul’a gidip Bâb-ı âliye girdi. Orada bir müddet tahsîl ve terbiye gördü. Sonra bâ-rütbe-i hâcegânî ba’zı aklâm kitâbetine mutasarrıf iken 1223 senesi cumadelâhiresinde Sultân Mahmûd-ı Sânî’nin cülûsunda Amasya mîzan-ı harîr ve damga mukâta’aları emîni olup gönderildi. [9] On yıl kadar kâh Köprü’de ve kâh Amasya’da ikâmet ederek îfâ-yı me’mûriyyet edib 1234’de ma’zûlen Köprü’ye gitdi. 1237 hudûdunda orada vefât etdi. Köprü eşrâfından hânedân, âlî-cenâb bir zât idi. İkâmet etdiği hânesi Köprülü Mehmed Paşa’dan müntakil ve şâyân-ı ziyâret idi.