Amasyalıdır. Baltacılar kethüdâsı Amasyalı el-Hâc İbrâhim Ağa’nın mahdûmu olup Amasya’da doğdu. Pederinin kethüdâlığı esnâsında enderûn-ı hümâyûna girip orada tahsîl-i ilm ü kitâbet etdi. Hutût-ı mütenevvi’ayı ibtidâ İsmâ’îl Zühdü [8] ve ba’dehû tilmîzi Kâtibzâde Mustafa Efendilerden öğrendi.

Pederinin irtihâlinde yerine hisâr ağası olup enderûndan çıktı. Ba’dehû hâcegân-ı dîvân-ı hümâyûndan olup ba’zı menâsıb-ı ricâle mutasarrıf olarak 1181 senesi zilhiccesinin onuncu günü ıyd-ı edhâda vefât etdi. Kâtib, hattât-ı meşhûr idi. Mahdûmu el-Hâc İbrâhim Efendi ve birâderi Defterdâr İsmâ’îl Efendi’dir.