Amasyalıdır. Esbak şehir kethüdâsı Fazlızâde el-Hâc Sârî Ali Efendi’nin mahdûmu ve Fazlı Paşa’nın yeğenidir. Amasya’da tahsîl-i ilm ü kitâbet ederek İstanbul’a gidip Zanalızâde es-Seyyid el-Hâc Ahmed Paşa’nın hazîne kâtibi oldu.
Ba’dehû kethüdâ-yı sadr-ı âlî kalemine yerleşip tefeyyüz ederek 1166’da hâcegân-ı dîvân-ı hümâyûndan olduğu hâlde kethüdâ kâtibi görüldü. Ba’dehû menâsıb-ı dîvâniyyeyi devr ederek 1172 senesi şa’bânında vefât etdi. Üsküdâr’da medfûndur. Mahdûmu es-Seyyid el-Hâc Mehmed Efendi’dir. Diğeri es-Seyyid Ali Efendi’dir.