Köprülüdür. Köprü müftüsü Avadanlı el-Hâc Yûsuf Efendi’nin mahdûmudur. Amasya’da tahsîl-i ulûm edib Köprü’de ders-i âm ve 1181’de pederinin vefâtıyla Taşanoğlu Hasan Bey’in câmi-i şerîfi hatîbi oldu.
Ba’dehû ba’zı niyâbetlerde istihdâm edilerek Köprü a’yânından olup Zeytûn niyâbetinden ma’zûlen 1210 senesi recebinin on birinci günü vefât etdi. Ulemâ ve a’yândan bir zât idi. Mahdûmları es-Seyyid Yûsuf, Mehmed Nâbî, Abdulbâkî Efendilerdir. Es-Seyyid Yûsuf Efendi 1213’de vefât etdi. Diğerlerinin el-yevm evlâdı vardır.