Amasya mülhakâtından Lâdîk kasabasından Pîr Mehmed nâmında bir zâtın mahdûmudur. Amasya fuzalâsından tahsîl-i ulûm etdikden sonra Mısır’a gitdi. Orada [174] meşâhîr-i fuzalâdan Alâeddîn Ali et-Türkmanî gibi ulemâdan ikmâl-i tahsîl etdi. Mevlânâ Alâeddîn Abdülazîz el-Buhârî’ye de nisbet-i ilmiyyesi olduğundan müşârün-ileyhin eseri olan Kitâbü’t-Tebyîn’i yazıp âhirinde şöyle imzâ etmişdir.¹³³
علقه لنفسه ولمن شاء هللا من بعد رمسه العبد الفقير الكبير المحتاج الى رحمة ربه القدير شمس الدين محمد بن محمد المنتمي
إلى الالدق وهى مدينة فى الروم فى مصر المحروسة لسنة ستين و سبعمائة ¹³⁴ ve kenarında;
قال العبد الضعيف محمد بن محمد الالدقي قابلت هذه النسخة م ن اولها الى آخرها بنسخة المصنف¹³⁵
Mısır’da tedrîs-i ulûm edib iştihâr etdi. Ba’zı kudât-ı asâkire niyâbet ederek fazl ve istikâmeti anlaşıldığından Melik Zâhir Berkûk zamanında Kâdı-i Nablus ve Gazze olup 796’da vefât etdi. Kibâr-ı ulemâ ve kudâtdan bir kâmil idi.