Zileli Hacı Hasan’ın mahdûmudur. Gençliğinde Amasya’ya gelip meşâhîr-i fuzalâdan tahsîl-i ulûm etdikden sonra Amasya’da ders-i âm ve müderris-i be-nâm oldu. Ba’dehû Hacı Şâdgeldi Paşa’nın zamân-ı hükûmetinde fazîletle iştihâr edib bir müddet Amasya kâdı’l-kudâtı Mevlânâ Müeyyideddîn Mehmed bin İmâd’a niyâbet etdi. [172]
Bu niyâbetde derece-i liyâkatı anlaşıldığından 781’de Kâdı-i müşârün-ileyhin irtihâlinde Amasya kâdı’l-kudâtı oldu. Ancak iki yıl sonra Hacı Şâdgeldi Paşa’nın şehâdeti ve ba’zı ulemânın firârı üzerine azledilip 790 sâline doğru vefât etdi. Ekâbir-i ulemâdan ve a’yân-ı kudâtdan idi. Mahdûmu kudâtdan İzzeddîn Hasan Çelebi’dir.