Amasyalıdır. Sâbıküddîn Mahallesi’nden Sakallıoğlu Ali Ağa bin Sakallı Mehmed Ağa’nın oğludur. Ceddi Amasya serdârı Sakallı el-Hâc Mehmed Ağa olup tahsîl-i ilme çalışdı. Çelebizâde Fâzıl Hasan Efendi’den ikmâl-i tahsîl edib ders-i âm oldu.
Usûl üzere tedrîs-i ulûm edib talebesine icâzet verdikten sonra İstanbul’a gitdi. Tarîk imtihânını kazanıp kasabât ve bilâda kadı olarak 1218 sâlinden sonra vefât etdi. Ulemâ-yı kudâtdan bir zât idi.