Amasya’da Helvacı pınarının bânîsi Helvacı Mehmed Ağa [141] ahfâdından sipâhi Hasan Ağa’nın mahdûmudur. Allâme Amasya Müftüsü Hızır Efendi’nin tilmîzi ve dâmâdı Osmân Efendi’den tahsîl-i ilim edib Şer’iyye Mahkemesi kâtibi Hacı Ali Efendi’den hatt-ı ta’lîk öğrendi.

Bir müddet Amasya kassâmı olup sonra kazâ niyâbetlerinde ahkâm-ı şer’iyyeyi infâz ederek kasabâta kadı ve ba’zı deâvâ-yı mühimmede müvellâ oldu. Ba’dehû meclis-i a’yâna a’zâ olup 1147 sâline doğru vefât etdi. Âlim, kâtib, şâir idi.