Amasyalıdır. Ümerâdan Bâyezîd Bey bin Îsâ Bey’in mahdûmu [468] ve sadr-ı esbak Bâyezîd Paşa’nın amcasıdır. Amasya Hükümdârı Hacı Şâdgeldi Paşa’nın zamân-ı hükûmetinde ümerâdan olup hayli müddet Kommenat beyi oldu. 783’de Kâdı Burhân’ın galebesi üzerine Amasya’ya avdet etdi.
Ba’dehû Yıldırım Sultân Bâyezîd Hân’ın ma’iyyetine girip dergâh-ı çavuşânından oldu. “Sunkur Çavuş” demekle meşhûr olup 801’de Ser-çavuş-ı Sultânî görüldü. 804’de Topal Timur harbinde vefât etdi. Meşâhîr-i ümerâdan idi.