Amasyalıdır. Melik Sunkur Gâzi Bey’in ahfâdından Ulu Şâh Gâzi bin Ali Gâzi Bey’in mahdûmudur. Mu’îneddîn Süleyman Pervâne Bey’in zamân-ı ikbâlinde ümerâdan olup 675’de Mısır muhârebesinde esîr olarak Mısır’a gitdi.
Orada ikâmet edib ümerâ-yı Mısriyye meyânına girdi. Emîr Sunkur Şâh-ı Rûmî demekle meşhûr olup on beş yıl kadar sonra vefât etdi. Meşâhîr-i ümerâdan idi. Birâderi Doğan Şâh Gâzi evlâdından Melik Gâzi İsmâ’îl Bey meşhûrdur.