Mâverâünnehir’de -Türkistan Keşâniye beldesinden Abdurrahmân mahdûmudur. Buna Tâceddîn Ebu Nasr el-Keşânî de dendi. Mâverâünnehr fukahâsından tahsîl-i ulûm ederek seyâhatle Anadolu’ya gelip Amasya’da yerleşti.
Amasya vâlîsi Nâsıreddîn Şehinşâh bin Sultân Mes’ûd’un eyyâm-ı hükûmetinde Mes’ûdiye müderrisi, ba’dehû Amasya kâdı’l-kudâtı olup 590 sâlinden sonra vefât etdi. Meşâhîr-i fuzalâdan ve fukahâdan bir zât-ı sütûde-simât idi. Mahdûmu vüzerâ-yı Selçukîyyeden Mühezzebeddîn Mes’ûd’dur.