Amasya’nın havâli-i şarkiyesinde Zana köyünden Ca’fer Ağa’nın oğlu ve Mirza Ali Paşa’nın li-ebeveyn ve sadr-ı esbak es-Seyyid el-Hâc Ahmed Paşa’nın li-ebin birâderleridir. Sipâhi olup Rus muhârebesinde yararlığı görüldüğünden terakkî gördü.
Ba’dehû birâderi Mirza Ali Paşa’nın kethüdâsı olup Mora harbinde izhâr-ı şecâat ederek kendisine Arguma Nâhiyesi’nde ağır zeâmet verildi. Ba’dehû İran muharebâtına me’mûr olup 1136’da harbde vefât etdi. Mahdûmu Mehmed Bey amcasının sadâretinde mîr-livâlıkla kayrılmışdı.