Amasyalıdır. Yukarıda tercemesi yazılan Hüsrev Bey bin Gonçe Keyvan Bey’in mahdûmudur. Dâmâd-ı şehrîyârî Vezîr Hızır Paşa’nın yeğeni olup dâiresinde neşv ü nemâ buldu. 1017 senesi zilhiccesinde müşârün-ileyhin arz ve inhâsıyla Geldiklan nâhiyesinde otuz bin akçe zeâmete mutasarrıf oldu.
Bu esnâda akrâbasından Rüstemoğlu Mustafa Bey’in kızı Nazenîn Hânım ile evlendi. 1027’de Amasya alaybeyi olup Lehistan harbine gitdi. 1044’de zevcesi Hızır Paşa vakfı mütevellîsi olduğu esnâda kâ’im-makâm olup [572] vakfı idâre etdi.
1048’de Bağdâd muhârebesine gidip avdetde zevcesi tevliyetden azl edildiği cihetle bu da kâ’im-makâmlıkdan ma’zûl ve 1054’de Girid muhârebesinde yararlığı görüldüğünden mîr-lîvâ olup 1057’de sânîyen zevcesi Hızır Paşa vakfına mütevellî ve kendisi de kâ’im-makâm oldu.
1066’da zevcesinin vefâtı ve hasmı olan Kurd Mehmed Bey’in aldığı i’lâm ve fermân-ı âlî üzerine kâ’im-makâmlığı zâil oldu. Ba’dehû tevliyet iddiâsıyla mahkemeye mürâca’ât eylediyse de 1067’de vefât eyledi.