Amasya’nın Şeyh Şâdî köyünde medfûn olan eş-Şeyh Şehabeddîn Şâdî Çelebi bin Abdülhannân bin Ali bin Abdülmennân’ın mahdûmudur. Ulemâdan tahsîl-i irfân ve pederinden ahz-ı feyz ederek pederinin intikâlinde zâviyesi şeyhi oldu.
826’da vefat etdi. Pederinin yanında medfûndur. Kibâr-ı meşâyihden sofrası küşâde, tekkesi imâret, gâyet sahî, âlim, müteşerri’, halkın mu’tekadı bir zât idi. Evlâdı vardır.