Meşâhîr-i kudâtdan yukarıda tercemesi yazılan Abdülazîz [546] Efendi bin Hacı Bayram Efendi’nin oğludur. Asrının ulemâsından ikmâl-i tahsîl ederek ders-i âm ve Kuba’da i’mâr edilen Hüsâmiyye medresesi müderrisi oldu. Pederinin i’mâr etdiği bu medrese müderrisliği uhdesinde yıllarca kaldı.
Ba’dehû meslek-i kazâyı ihtiyâr ederek kasabâta kadı ve bilâda nâib olup 1081 yılından sonra vefât etdi. Kudât-ı sütûde-simâtdan âlim, hüsn-i hâl ile ma’rûf idi. Mahdûmu ulemâdan Mehmed Efendi olup Hüsâmiye müderrisi olmuşdu.