Amasya’nın Şehreküsdü Mahallesi’nde zâviyesi olan Halvetiyye meşâyih-i kirâmından Sinâneddîn Efendi’nin dâmâd ve halîfesi ve Çeribaşı Câmii imâmı Ahmed Efendi’nin oğludur. Pederinin vefâtında câmi-i mezkûr imâmı ve şeyhinin irtihâlinde zâviyesi şeyh-i benâmı oldu.
Kırk yıl kadar icrâ-yı meşîhat, câmi-i mezkûrda imâmet, halka vaaz ve nasihat ederek iştihâr etdi. 987 hudûdunda vefât eyledi. Âlim, zâhid, mü’tekad-ı enâm, imâm-ı ecel, bir pîr-i kerâmet-simîr idi. Şeyhinin yanında medfûndur.