Amasya ulemâsından Hâfız Mustafa Efendi bin Şükrü İbrâhim Efendi bin Abdullah Çelebi mahdûmudur. Amasya ulemâsından ikmâl-i tahsîl edib İstanbul’a gitdi. Orada bi’l-imtihân müderris, kadı olup devr-i bilâd ederek eşrâf-ı kudâttan olmuşdu.
Îrân muhârebâtı esnâsında mühim hizmetler ibrâz ederek 1144’de ordu-yu hümâyûn kadısı ve 1146 rebîülâhirinde ilâveten Bağdâd mollası olup Serasker Köprülüzâde Fâzıl Abdullah Paşa’nın mâ’iyyetinde bulunarak müşârun ileyhin şehâdetinde 1147’de vefât etdi. Âlim, kâmil, afîf, müstakîm bir zât idi. [33]