Esbak Amasya müftüsü ve nakîbü’l-eşrâf kâ’im-makâmı olan Zanalı es-Seyyid el-Hâc Ahmed Efendi bin Mahmûd bin Ca’fer’in oğludur. Amasya ulemâsından Çorumlu es-Seyyid el-Hâc Hâfız Mehmed Efendi bin Ya’kûb’un halka-i tedrîsinde ikmâl-i tahsîl edib ders-i âm ve pederinin intikâlinde Atabeg müderrisi oldu.
Hemşîrezâdesi olan Zanalızâde es-Seyyid el-Hâc Ahmed Paşa’nın vezâretinde İstanbul’a gidip tefeyyüz ederek kibâr-ı kudât ve mevâlîden oldu. Hacı Ahmed Paşa’nın sadâretten azlinde Erzurum, Ahısha, Çıldır gibi vilâyetlere kadı olup 1168’de Amasya’ya avdet ve 1172’de [41] vefât etdi. Halfet Gâzi Mezârlığı’nda medfûndur.
Âlim, kâmil, müteneffiz, mevâlîden bir zât idi. Oğulları es-Seyyid el-Hâc Ahmed, Mahmûd Efendiler’dir. Bunlar da meşâhîr-i a’yândan idiler. Uhdesinde bulunan müderrisliği ve Hâce Sultân vakfı mütevellîliği bunlara verildi.