Amasyalıdır. Defterdâr İskender Çelebi’nin amcası olan Memî Çelebizâde Alî Çelebi mahdûmudur. Meşâhîr-i züamâdan iken İskender Çelebi’nin sâye-i ikbâlinde mîrlivâ oldu. 941’de müşârün-ileyhin i’dâmında nekbet gördü.
Makbûl İbrâhim Paşa’nın 942’de i’dâmından sonra nâ’il-i teveccüh olup mîrlivâlıkla sancâkları devre başladı. 958’de Amasya vâlîsi Şehzâde Sultân Mustafa’nın ma’iyyetine me’mûr iken 960 senesi şevvâlinde müşârün-ileyhin i’dâmı üzerine İstanbul’a geldi.
962’de Kağıt emîni olup Kağıthane fabrikasını işletdi. 966 senesi şa’bânında emlâkini vakf edib sonra vefât etdi. Meşâhîr-i ümerâ ve ümenâdan bir zât idi. Vefâtından sonra bir kerîmesi kaldı. [219]