Amasyalıdır. Yeniçeri Hasan’ın oğludur. Bu da yeniçeri olup oda-başılığa kadar terakkî gördü. Güzel bir sâz şâiri olup Celâlî Mehmed Ağa’dan sonra iştihâr etdi. Kandiye fethinde yeniçerileri destânlarıyla harbe teşvîk eylediğinden terakkî gördü.
Sadr-ı a’zam ve serdâr-ı ekrem Köprülüzâde Fâzıl Ahmed Paşa’nın nâ’il-i iltifât ve ihsânı oldu. 1086’da tekâ’üd ulûfesiyle mütekâ’id olup 1093 hudûdunda vefât etdi. Muhârib, hoş-sohbet bir halk şâiri idi. Destânları, mânîleri, ezgileri çokdur. [217]