Amasyalıdır. A’yân-ı ulemâdan el-Hâc Abdülhalîm Efendi bin Payaslı el-Hâc Mehmed Efendi’nin mahdûmudur. Ba’de’t-tahsîl pederinin mahlûlünden Firûz Ağa müderrisi ve 1278 senesinden itibâren meclis-i deâvâ ve ba’dehû meclis idâre âzâsı olup fevkalâde teayyün etdi. 22
Meşâyih-i kibâr-ı Hâlidiyyeden Karabağî el-Hâc Hamza Nigârî Efendi’ye inâbe edib müşârün-ileyhin halka-i zikr ü tevhidine mülâzemet ve sohbetine muvâzabet edib 1291 rebiülevvelinin on dokuzuncu günü vefât etdi. İlm ü irfân sâhibi, latîf ve küşâde-meşreb, vakûr, nâfizü’l-kelîm bir zât idi.
Mahdûm-ı yegânesi Abdulhalîm Hilmi Efendi’dir. Bunun mahdûmları ve vükelâ-yı deâvâ meşâhîrinden Hasan Eşref Bey ile İbrâhim Yümnî Bey’dir. Eşref Bey evlâdıyla beraber Amasya’nın medâr-ı iftihârı olan bir zât-ı muhteremdir.