Amasyalıdır. Yeniçeri serdârı Dal Ahmed Ağa bin [423] Mustafa’nın oğludur. Sipâhi olup hayli muhârebâta gitdi. Ba’dehû Şam’a gidip sipâhi kethüdâyeri ve 1097’de Pirî Ağazâde İbrâhim Paşa tarafından Şam mütesellimi ve 1098’de Şam’da sipâhiler ağası ve vâlî kâ’im-makâmı olarak fevkalâde teneffüz etmişdi. Bundan dolayı 1100’de maktûlen vefât etdi. Birâderi vüzerâdan Çuçu Mustafa Paşa’dır.
Diğer Amasya’da sipâhi a’yânından Yeniçerioğlu Halîl Ağa bin Hasan Bey de Amasya kethüdâyeri olup 1099 vak’asında zî-medhâl olduğundan 1100’de menkûbâne vefât etdi.