Amasya eşrâfından es-Seyyid el-Hâc Mehmed Ağa bin el-Hâc Halîl Ağa’nın oğludur. Pederinin vefâtında teayyün edib [440] haciyân ve a’yân meclislerine âzâ ve iki defa nakîbü’l-eşrâf kâ’im-makâmı olduğu halde 1161’de vefât etdi. Kübceğiz Mahallesi’nde hânedân, zî-nüfûz idi.
Amasya’nın a’yânından Beyzâde diğer el-Hâc Halîl Ağa bin Ali Bey de Hâciyân meclisine âzâ ve 1152 cumâdelâhiresinde şehir kethüdâsı olup 1156 ramazânında ma’zûl ve 1163 hudûdunda merhûm oldu. Biraderi el-Hâc Ömer Ağa’dır.