Amasyalıdır. Emîr Ağazâde es-Seyyid el-Hâc Mustafa Ağa bin es-Seyyid Mehmed Ağa bin el-Hâc Halîl Ağa’nın mahdûmu ve Amasya’nın a’yân-ı kibârından Gürcüzâde el-Hâc İbrâhim Bey’in dâmâdıdır. Amasya’da tahsîl-i ulûm edib ders-i âm ve Kübceğiz Câmi-i şerîfine imâm oldu.
Ba’dehû İstanbul’a gidip hüsn-i savt ü edâsı, ilm ü ahlâkı, kendisini Yeniçeri Ocağına imâm nasb etdirdi. Yıllarca ocak imâmı olduğundan bu lakâbla iştihâr edib nâil-i nüfûz ü itibâr oldu. 1160 sâlinden sonra vefât etdi. Âlim, sâlih, yeniçeriler arasında nâfizü’l-kelîm bir zât idi. Mahdûmları es-Seyyid Hıfzî İbrâhim, Mustafa Paşalar vüzerâdandır.