Amasyalıdır. Amasya Mevlevî-hânesi şeyhi Mevlânâ Celâleddîn Mehmed Çelebi bin Mevlânâ Hüsâmeddîn Hasan Çelebi bin Mehmed mahdûmudur. Amasya fuzalâsından ve hâssaten Sa’îdeddîn Mevhûb bin ez-Ziyârî’den tahsîl-i fezâ’il-i ilmiyye edib müderris-i meşhûr oldu.
801’de şehzâde iken Çelebi Sultân Mehmed Han vâlî olarak Amasya’ya geldikte fazl ü nezâket-i tab’ına binâ’en bunu takrîb edib bir müddet mu’allimi oldu. 805’de Amasya kâdı’l-kudâtı olup altı yıl kadar icrâ-yı ahkâm-ı kazâ ederek 811’de kazasker oldu. [349]
816’da Şehzâde Sultân Mûsa vak’asında hilâf-ı marziy-yi re’y ü tedbîrde bulunduğundan mütekâ’id olup Şâdiye müderrisi olduğu hâlde 821’de vefât etdi. Âlim, fâzıl, müdebbir bir zât idi.