Amasyalıdır. Çelebi Sultân Mehmed Hân’ın havâss-ı bendegânından Kabulî Ağa’nın mahdûmudur. Sultân Murâd-ı Sânî’nin dâire-i hümâyununda hüsn-i terbiyye görüb tefeyyüz ederek Mîrâhur-ı Şehriyârî iken 846’da Pâdişâhın terk-i saltanat etmesine binâen ma’zûlen Hicâz’a gitdi.
847’de yeniçeri ağası olarak Varna harbine gidip muzafferen Sultân Murâd’ın avdetiyle ikinci cülûsuna hizmet etdiğinden itimâdını kazandı. 850’de Amasya Vilâyeti beylerbeyi olup geldi.
855’de taht-ı saltanata cülûs eden Fâtih Sultân Mehmed Hân’ın cülûs-ı Murâdî’den dolayı iğbirârını kazanmış olduğundan 857’de İstanbul Fethi’ne me’mûren Edirne’ye celb ve davet edildi. Ba’dehû vefât etdi. Meşâhîr-i ricâlden idi. Mahdûmu İbrâhim Bey ve bunun mahdûmu meşhûr Selîm-nâme müellifi Keşfî Mehmed Çelebi’dir.