Amasyalıdır. Esbak Amasya müftüsü Yahyâ Efendizâde Alî Çelebi mahdûmudur. Sipâhî olup Rus ve Îrân muhârebâtında yararlıkları görüldüğünden Amasya kethüdâyeri ve mütesellim vekîli olarak ta’ayyün etdi. 1142’de Îrân muhârebesine gidip 1145’de sipâhîler kethüdası, ba’dehû sipâhîler ağası vekîli oldu.
Îrân ser-askeri Köprülüzâde Abdullah Paşa’nın kolunda cân-siperâne çalışırken 1148’de müşârün-ileyh ile beraber şehîden vefât etdi. Şecî’, işe yarar bir zât idi. Mahdûmu Alî Ağa çavuşân-ı dergâh-ı âlî silkine kabûl edildi. Birâderi Sâlih Ağa’dır.