Köprülüdür. Abdullah mahdûmudur. Evâ’il-i hâlinde Amasya’ya gelip Uzun Müderris Mehmed ve müftî-i meşhûr Hızır Efendilerden ikmâl-i tahsîl edib Köprü’de tedrîs-i ulûm etdi. Orada fezâ’il-i ilmiyyesiyle iştihâr edib herkesin hüsn-i nazarını kazandı.
Köprü voyvodası Abdülkerîm Ağa’nın yaptırdığı medreseye ilk müderris ve Yörgüç Paşa’nın binâ ettiği Orta câmi-i şerîfte [337] vâ’iz olup tedrîs u tezkîr ile iştigâl ederek 1103’de vefât etdi. Âlim, kâmil olup Kara Müderriszâde Ahmed Efendi’nin akrânından idi. Mahdûmu Hasan Efendi’dir.