Amasyalıdır. Sipâhi Hasan Ağa’nın oğludur. Dergâh-ı âlî kapıcıları zümresine iltihâk edib hayli müddet Enderûn sarayında kapı bekcisi oldu. Sonra ba’zı [40] bilâd ve eyâlâta hidemât-ı mühr ile gönderildi.
1023 senesi şevvâlinde Sultân Bâyezîd evkâfı mütevellîsi olarak Amasya’ya gelip 1025 senesi muharreminin yirmi üçünde Sivas vilâyetini teftîşe me’mûren gitdi. 1028 senesi muharreminin on beşinde sânîyen evkâf-ı Sultânîyye mütevellîsi olup geldi.
1030 senesi gurre-i Muharreminde İstanbul’a gidip dergâh-ı âlî kapıcı-başılarından oldu. 1031 senesi recebinde vak’a-i Osmâniyede Hâce-i Sultânî Ömer Efendi’nin necm-i ikbâl-i üfûl etdiğinden ihtifa edib bir müddet sonra Mora Vilâyeti tahsîl emvâline gönderildi. 1036 sâlinde vefât etdi.