Amasyalıdır. Şehzâde Sultân Mustafa’nın gözdelerinden Gonca Keyvân Bey bin Mustafa Bey bin Rüstem Bey bin Keyvân Ağa’nın mahdûmu ve damâd-ı şehriyârî Hızır Paşa’nın birâderidir. Züamâdan iken Amasya Alaybeyi oldu. Ba’dehû birâderi kethüdâsı olup 1006 senesi şevvâlinde birâderinin Mısır valiliğinde Cidde Sancâğı Beyi oldu. Ba’dehû Rûmeli eyâlâtına naklen Semendire Beyi olup 1013 sâlinden sonra vefât etdi. Mahdûmu Ahmed Ağa [354] sipâhi meşâhîrinden idi.