Amasya a’yânından Derviş Mehmed Çelebi bin Hüseyin Çelebi bin Hasan Bey’in mahdûmudur. 961’de Sarây-ı hümâyûna girip hüsn-i terbiye gördü. 974’de Sultân Selîm-i Sânî’nin cülûsunda enderûndan çıkarılıp dergâh-ı âlî müteferrikalarından oldu.
Ba’dehû Amasya’da ikâmet ederek hidemât-ı mîriyyede imrâr-ı hayât etdi. Şirvân muhârebâtında mîrlivâ olup sancâkları devrederek 1003 sâlinden sonra vefât etdi. Meşâhîr-i a’yândan idi. Mahdûmları Derviş, Ömer, Osmân Beylerdir.
Diğer mahdûmu Müteferrika Mustafa Ağa’dır. Bunun mahdûmu Mahmûd Çelebi de 1026’da müteferrika idi. Bunlara Begzâde denirdi. “Müteferrika Defteri”nde Mahmûd, Mustafa, Hüseyin Amasya Begzâde müteferrikân-ı dîvân-ı hümâyûn diye görüldü. [604]