Amasya’nın meşhûr culfası Mehmed Çelebi oğludur. Bu da culfalıkla iştihâr ve ticâretle kesb-i servet ü sâmân etdi. 917’de Amasya vâlîsi Şehzâde Sultân Ahmed’e mebâliğ-i azîme ikrâz eylediğinden 918’de Sultân Selîm’in cülûsunda menkûb oldu.
921’de Amasya’da bulunan Sultân Selîm’in afv ü âtıfetine nâ’il olup ikrâz eylediği mebâliği kendisine te’diye edilerek eski şeref ü i’tibârını kazandı. 933’de Zünnûn vak’asında nakden yardımlar edib sonra vefât etdi. Kibâr-ı tüccârdan idi.