Amasyalıdır. Mîr-i mîrân Kalender Çavuşzâde meşhûr Abdulbâkî Paşa’nın mahdûmudur. 1031’de sipâhî olup 1034’de dergâh-ı âlî çavuşlarından Ahmed Ağa’nın kerîmesi Emîne Hânım ile te’ehhül etdi. Ba’dehû müteferrika olup Amasya beytü’l-mâl emîni oldu.
1044’de defterdâr kethüdâsı, 1048’de Zile ve 1052’de Tokat voyvodası ve Amasya beytü’l-mâl emîni ve 1056’da Amasya kethüdâyeri, ba’dehû Türkmen Ağası ve ba’de’l-azl 1058’de sânîyen Amasya kethüdâyeri oldu. 1062’de sânîyen Türkmen Ağası olup Abaza Hasan Ağa’ya rakîb oldu. Ba’dehû vefât etdi.
Amasya’da Kamerüddîn Mahallesinde câmii, mektebi, çeşmesi meşhûr olup ikâmet etdiği bu mahalleyi hayrât-ı şerîfesiyle ihyâ ve i’mâr etmişdi.⁷⁶ Çeşmesi önünde kâ’in muhteşem köşkü, bâğçesi ve bâğı hayli zamân adını Amasya’da ibkâ etdi. Mahdûmu Ahmed Ağa ve kerîmesi Fatma Hânım ve dâmâdı kethüdâ-yı sadr-ı âlî Sâlih Ağa bin Ahmed Ağa’dır. [108]