Amasyalıdır. Meşâhîr-i ulemâdan Hüseyin Efendi bin Mehmed Ağa bin Deli Hüseyin Ağa’nın mahdûmudur. Üçler Mahallesi’nde 1200 senesinde doğdu. Taşköprülü Hâfız el-Hâc Abdullah Efendi’den tahsîl-i ulûm edib ders-i âm oldu.
Pederinin hayâtında tedrîse mülâzemet edib talebesine icâzet verdikten sonra Süleymaniyye müderrisi oldu. Üçler Câmi-i şerîfinde cum’a günlerinde ve leyâlî-i mübârekede va’z ü nasîhat ederek 1262 senesi [273] evâsıtında vefât etdi. Kibâr-ı ulemâdan ve a’yân-ı memleketten idi. Evlâdı vardır.