Köprülüdür. Köprü Müftüsü Tokatlı Şücâ’ Efendizâde Şemseddîn Mehmed Efendi’nin mahdûmu ve Şeyhü’l-harem Hacı İmâdüddîn Paşa ve Şücâeddîn Paşaların birâderidir. Bunlara “Müftîzâdeler” de dendi.
Köprü’de doğdu. Köprülü Mehmed Paşa’ya intisâbı olduğundan müşârün-ileyhin sadâretinde İstanbul’a gidip [197] Ağaları silkine dâhil oldu. Okuyup yazma öğrenip Köprülüzâde Fâzıl Ahmed Paşa’nın himmetiyle 1076’da Gelgiras Haremeyn evkâfı mütevellîsi oldu.
Birâderi Hacı İmâdeddîn Paşa 1080’de vâlide kethüdâsı oldukda masraf kâtibi ve 1084 saferinde birâderinin vefâtıyla muhâsebe-i haremeyn birinci halîfesi ve 1088’de dârüssaâde ağası Yûsuf Ağa’nın başyazıcısı oldu.
1090 senesi saferinin on birinde Haremeyn başmuhâsebecisi Hacı Mustafa Efendi’nin vefâtına binâen Haremeyn evkâfı baş-muhâsebecisi olarak divân-ı hümâyûn hâcegânı zümresine iltihâk etdi. Altı yıl kadar mevkiini muhâfaza ederek 1096 senesi evâilinde vefât eyledi. Kâtib, muhâsib, müstakîm idi.